Демир Капија ќе бира најдобар закројувач на винова лоза

Демир Капија ќе бира најдобар закројувач на винова лоза, како и најдобри домашни вино и ракија. Како што информираа денеска од службата за односи со јавноста при локалната самоуправа, натпреварите се во рамките на традиционалната манифестација „Недела на традицијата Свети Трифун 2016”.

- Настанот е во организација на  демиркаписката општина и Центарот за едукација и вмрежување во туризмот ЦЕНЕТ. Ќе се одржи  во чест на верскиот празник и светецот кој се смета за заштитник на лозарите,  а се слави на 14 февруари.  Закројувачите на винова лоза ќе си ги одмерат силите ден пред Свети Трифун, кога и ќе се изберат најквалитетните вино и ракија, од претходно земени мостри од производителите натпреварувачи, соопштија од службата за информирање при општината.

Наградите за најдобрите ќе бидат доделени на централната манифестација, која вообичаено е посетена од голем број домашни и странски гости.с