Да ѝ помогнеме на Моника Бојковска да оздрави
Моника Бојковиќ (28) од Куманово боледува од тумор на рбетот и по четирите тешки операции и зрачења не може да се движи.
За да застане на нозе мора да помине низ сложен процес на рехабилитација, кој може да го добие надвор од државата. Нејзиното семејство не е во можност само да ги плати скапите третмани, поради што бара помош од хуманите луѓе.
„Моника имаше 24 години и беше студент кога ги почувствува првите симптоми на болеста. Имаше болки во нозете и почна неочекувано да паѓа додека се движи. Кога ги направи медицинските прегледи и беше дијагноситициран тумор на рбетот. Прво се оперираше во Истанбул, Турција, па во Хановер, Германија и два пати во Скопје. По последната операција целосно го изгуби осетот на нозете, поради што мора да отиде на третман со роботика во приватна клиника во Ниш. Потребни се 14.000 евра, кои самите не можеме да ги обезбедиме. Четири години живееме во страв и неизвеснот за нејзиното здравје, а и таа не ја губи надежта дека ќе прооди. Ги повикуваме сите хумани луѓе да ни помогнат Моника да застане на нозе, тоа е најголемата нејзина и наша желба“, велат од семејството Бојковиќ.
Лекарите од Нишката клиника им рекле дека се работи за долг и сложен процес, кој на крај ќе даде резултати, но проблем се финансиите. Фондот за здравствено осигурување на Македонија не ги покрива трошоците за ваквите третмани затоа што ги смета за алтернативна рехабилитација.
Сите кои сакаат да помогнат тоа можат да го сторат на бројот на Телеком 143 133, кој ќе биде во функција до 20 април, додека бројот на А1 143 402, останува и понатаму.
Сметка за донациja:
200003713266013 - Стопанска банка АД Скопје
Девизна сметка:
IBAN: MK07200003829899589
SWIFT CODE: STOBMK2X
Ново на Сител
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател