Црниот биланс продолжува, уште една жртва во сообраќајка вчера

Синоќа околу 20 часот било пријавено дека во село Којково, Кратовско С.С.(51) починал откако бил прегазен од возило “Застава 750“.

 Според пријавата, тој бил на гости кај Б.И. од истото село, тргнал да си оди и влегол во своето патничко моторно возило “Застава 750“, го стартувал, но веднаш излегол од возилото и тргнал кон куќата на Б.И.

Во тој момент, возилото се придвижило во правецот на С.С., го удрило, при што тој починал на местото на настанот.

Извршен бил увид.

Во текот на вчерашниот ден во три одделни сообраќајни несреќи загинаа 6 лица, најмалку 10 беа тешко повредени.