Чуркин постхумно одликуван со Орден за храбтост

Претседателот на Русија, Владимир Путин денеска потпиша уредба за постхумно доделување на Орден за храброст за шефот на руската мисија во Обединети нации, Виталиј Чуркин, кој вчера ненадејно почина во Њујорк.

Во соопштението на Кремљ се наведува дека орденот се доделува за „посветеност, принципиелна непоколебливост и висок професионализам што го покажа во својство на постојан претставник на Русија во ОН“.

Претходно, Путин испарати сочувство до Ирина Чуркин, вдовицата на починатиот дипломат и неговите деца Анастазија и Максим.