-->
-->
Чупиќ во дресот на Вардар
-->
Хрватскиот ракометар Иван Чупиќ е нов член на Вардар каде треба да остане во следните четири сезони. Чупиќ кој во мај на „фајнл фор“ турнирот во Келн како играч на Киелце го освои трофејот во Лигата на шампионите, доаѓа во Скопје како засилување на десната крилна позиција.
Тој е четвртото засилување за Вардар во новата сезона и ќе игра заедно со Даниел Шишкарев на десната страна. Минатата сезона во Лигата на шампионите постигна 67 гола. Како член на Киелце постојано ја освојуваше двојната круна во Полска.
Со Киелце две години по ред пред освојување на трофејот, играше и на Ф4 турнирот во Келн. И со германски Рајн Некар во сезоната 2010/2011 играше на Ф4 турнирот.
Чупиќ од 2009 година постојано е дел од сениорската репрезентација на Хрватска. На Олимпијадата во Лондон 2012 година беше втор најдобар стрелец
- Задоволни сме што во нашите редови во иднина ќе имаме играч кој бил европски првак и го знае тоа чувство. Вардар има амбиции да се искачи што е можно погоре на ракометниот европски врв и секогаш сака да ги има во своите редови оние што можат да му помогнат во остварување на таа цел. Веруваме дека Иван брзо ќе се вклопи во нашиот тим и заедно со Даниил Шишкарев ќе бидат одличен тандем на позицијата десно крило, изјави Давор Стојаноски, извршниот директор на Вардар.
Чупиќ ќе му се приклучи на македонскиот шампион по завршувањето на Олимпијадата во Рио каде настапува за својата репрезентација.
-->
-->
-->
Ново на Сител
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино