Четири милијарди евра промет од онлајн трговијата во Грција

Онлајн трговијата во Грција регистрираше рекорден промет од четири милијарди евра, што е еднакво на 2 отсто од БДП на земјата.

На тематски состанок во Атина беше откриено дека онлајн трговијата во Грција расте и се повеќе и оти поголем број трговци почнаа да ги нудат своите стоки и услуги во онлајн продавници, кои во Грција се над 6.500.

Во таа земја има над три милиони онлајн корисниците. Оваа бројка се проценува дека е доста висока, со оглед на тоа што интернет корисниците се над седум милиони.

На средбата, исто така, беше истакнато дека и покрај растот на е-трговијата, Грците се плашат да плаќаат онлајн  со кредитни картички поради фалсификување, измами и кражба на лични податоци.