Честитка од КОВЗ по повод новата 1437 година според Хиџра

Директорката на Комисијата за односи со верските заедници и религиозни групи (КОВЗ) Валентина Божиновска упати честитка до поглаварот на Исламската верска зедница во Република Македонија Реис Ул Улема Хаџи Сулејман еф. Реџепи, членовите на Ријасетот, муфтиите, имамите и до сите верници од исламска вероисповед, по повод новата 1437 година според Хиџра.

- Преселбата на божјиот пратеник Мухамед и на првите муслимански заедници од Мека во Медина е најзначајниот настан кој бил и останува да биде трајно вдахновение во животот на секој муслиман. Хиџра нè потсетува својата вера да ја исполнуваме со тоа што ќе им пружиме засолниште на раселените, обесправените и маргинализирани членови на нашата заедница. Тој нè потсетува дека човечкиот живот е свет и неприкосновен, и дека верата треба секогаш да ја ставиме во интеракција со другите луѓе кога ќе ни се обратат за помош или кога ќе воочиме дека им е потребна нашата помош. Честитајќи Ви ја новата хиџретска година Ви посакувам многу здравје, се наведува во честитката од директорката на КОВЗ Валентина Божиновска.