Брус Вилис ќе игра во три нови филма
Американскиот актер Брус Вилис потпишал договор со студиото „Емет / Фурла Филмс“ (Emmett / Furla Films) и ќе учествува во три проекти.
Директорите на студиото Рандал Емет и Џорџ Фурла веќе имаат снимено 17 филмови со Вилис. Последниот од нив, Midnight in the Switchgrass, во кој, исто така, учествуваат Емили Хирш и Меган Фокс, започна да се снима во март. Снимањето траеше пет дена и беше прекинато поради карантинот.
Се очекува снимањата да продолжат на 29 јуни во Порторико. По нивното завршување, актерот ќе остане таму и ќе почне да работи на првиот од трите нови филмови, со наслов Out of Death. Сценарист е Бил Лоренс, а режисер Мајк Барнс. Заедно со главниот лик од „Умри машки“, во филмот ќе учествува Џејми Кинг. Во приказната, таа случајно е сведок на злосторство во планината, бега во шумата и се сретнува со шумарот (Брус Вилис), кој и помага.
Вториот проект е со наслов Run of the Hitman. Негови сценаристи се Стивен Сајрус Сефер и Били Џеј. Во филмот станува збор за платеник, кој се обидува да спречи корумпиран вработен, кој се обидува да ги контролира своите работодавци и да ја користи организацијата за свои цели.
Третиот филм, Killing Field, чиј сценарист е Рос Пикок, е за жена чиј спокоен живот на фармата завршува, кога еден полицаец ќе дојде кај неа со двајца опасни криминалци.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид