Бројот на жртви во земјотресите во Венецуела достигна скоро 2.000

Бројот на жртви од двата земјотреси што ја погодија Венецуела минатата недела се зголеми на 1.943, изјави денеска претседателот на Националното собрание Хорхе Родригез, додавајќи дека бројот на повредени речиси двојно се зголемил на 10.571.

НАСА проценува дека околу 58.870 згради се оштетени или уништени во погодената област, врз основа на сателитски снимки.

Во најтешко погодените области - главниот град Каракас и покраината Ла Гваира - речиси 200 згради се целосно уништени. Десетици илјади луѓе се водат како исчезнати, а со секој изминат час шансите спасувачите да пронајдат преживеани во урнатините се намалуваат. Сепак, успешните спасувачки операции пет дена по земјотресот даваат надеж.

-Јас сум млад човек кој помина пет дена заробен под урнатините на зграда, но денес сум тука и жив, благодарение на Бога. Тој е единствениот што ме извлече и ги испрати своите ангели. Тоа се луѓето кои неуморно работеа за да ме спасат, рече Арон Леви Кантиљо.

-Продолжуваме со нашите напори за спасување на преживеаните, што нè исполнува со емоции и надеж за нивните семејства и за нашата нација, која е сведок на неуморната работа на венецуелските спасувачки екипи и меѓународните бригади, вели Делси Родригез, вршител на должноста претседател на Венецуела.

МИА