Брнабиќ: Во Србија досега се вакцинирани 9.300 лица, утре се одлучува за отворање на границите
Српската премиерка Ана Брнабиќ изјави денеска дека досега во Србија се вакцинирани 9.300 лица, корисници на домовите за стари лица и здравствени работници, најавувајќи дека во план е забрзување на вакцинацијата и создавање услови за масовна имунизација, јави дописникот на МИА од Белград.
-Србија до крајот на јануари ќе има два милиона вакцини од различни производители, вклучувајќи ги и количините што пристигнаа на крајот на декември. Во февруари се очекуваат дополнителни 1,3 до 1,5 милиони дози вакцини и се надевам дека во мај или јуни ќе можеме да ја завршиме вакцинацијата, изјави Брнабиќ.
Таа повтори дека Србија во моментов има договор за осум милиони вакцини, од различни производители, што е доволно за вакцинирање на четири милиони луѓе и најави пристигнување на кинеската вакцина.
– Релевантни кинески институции го одобрија извозот на вакцината „Синофарм“ во Србија. Добиваме и 18.525 дополнителни вакцини на „Фајзер“ и очекуваме 500.000 дози на „Спутник V“, рече Брнабиќ.
Како што кажа, до крајот на идната недела на Белградскиот саем ќе биде отворен пункт за масовна вакцинација.
Брнабиќ најави дека утре наутро ќе заседава Кризниот штаб и дека ќе се разговара за мерките за влез во Србија, работата на училиштата и мерките за економијата.
Според последната одлука на српската Влада донесена пред новогодишните празници, влез во Србија за странци е дозволен само со негативен ПЦР тест, одлука чие важење истекува денеска.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“