Брнабиќ: Од утре почнува масовна вакцинација на граѓаните во Србија
Српската премиерка Ана Брнабиќ најави дека утре во Србија ќе започне „масовна“ вакцинација на граѓаните против коронавирус, јави допсникот на МИА од Белград.
Брнабиќ изјави дека од утре ќе се вакцинираат просветните работници, припадниците на армијата и полицијата, како и новинарите.
Таа оцени дека претставниците на медиумите, особено медиумските работници кои се постојано на терен, биле вклучени во приоритетната група, на апел на медиумските здруженија, но и на барање на српскиот претседател Александар Вучиќ.
Брнабиќ апелираше до сите да аплицираат во што поголем број.
-Веќе започнавме да ги покануваме лицата кои изразија интерес да бидат вакцинирани. Ве молиме, аплицирајте што е можно повеќе, колку побрзо и поефикасно го правиме ова, толку побрзо ќе се вратиме во нормалниот живот, изјави Брнабиќ, објавија од срската Влада.
Таа изрази очекување дека во здравствен смисол во текот на 2021 година, Србија ќе се врати на нормалниот живот пред пандемијата на коронавирусот.
Брнабиќ упати специјална молба до просветните работници да аплицираат за вакцинирање во што поголем број и изјави дека тоа е единствениот начин да им се овозможи што е можно подобро да ја завршат својата работа, истовремено заштитувајќи го своето и здравјето на нивните семејства.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп