Брнабиќ и Вархеји за динамиката на активности во процесот на пристапување во ЕУ
Премиерката на Република Србија, Ана Брнабиќ, денеска одржа онлајн состанок со Европскиот комесар за проширување и соседство, Оливер Вархеји, јави дописникот на МИА од Белград.
На состанокот присуствуваше министерката за евроинтеграции Јадранка Јоксимовиќ, која го информираше Вархеји за активностите спроведени во рамките на кластерот 3 – Конкурентност и инклузивен раст и кластерот 4 – Зелена агенда, дигитализација и одржлива поврзаност, соопштија од српската Влада.
Тема на разговорите беше продолжувањето и динамиката на активностите што ги спроведува Србија во процесот на пристапување кон Европската унија. Особено се дискутираше за реформите што се спроведуваат во областа на владеењето на правото.
Брнабиќ го информираше комесарот Вархеји за активностите договорени со Народното собрание на Република Србија во врска со постапката за промена на Уставот, се наведува во соопштението.
Ново на Сител
-
Дали Управниот суд ќе стави официјален крај на изборите?
-
Tема на денот со Лилија Чолакова Дервишова, претседател на ЗПЛРМ
-
Ќе има ли учебници за сите од први септември?
-
Ахмети најави битка за одбрана на легитимност
-
По пратеничкиот мандат на Беџети, Сарај ќе избира нов градоначалник
-
Внимателно со трошење на буџетските пари, порачуваат академците
-
Советот на јавни обвинители законски не може да го разреши Иџет Мемети
-
На Кацарска и завршува мандатот - Кој ќе ја наследи?