Боксерските легенди го носеа ковчегот на Али

Илјадници луѓе му одадоа почит и присуствуваа на погребот на великанот на светскиот бокс и борец за човекови права Мухамед Али кој беше погребан во роднииот  град Луисвил. Десетици илјади луѓе беа собрани на улиците каде што поминуваше погребната поворка.

 

Али е погребан како Муслиман на гробиштата „Кејв Хил“ во присуство на членовите на неговото семејство и најблиските пријатели.

 

На последното почивалиште го однесоа пробрани луѓе: Вил Смит, кој за улогата на Али во биографскиот филм за боксерската легенда беше номиниран за Оскар, и поранешниот светски шампиони во бокс Мајк Тајсон и Британецот Ленокс Луис.

 

По церемонијата во гробиштата, во салата на локалниот универзитет се одржа комеморација на која се собраа околу 15.000 гости, за животот на Али и неговата голема улога во полето на спортот, па дури и повеќе од тоа во борбата за човекови права, говореа сенаторот Орин Хеч, како и лидерите на верските заедници, имамот Хамза Абдул Малик, баптистички свештеник д-р Кевин Козби и рабинот Мајкл Лернер.