Благодарност од претседателката Сиљановска-Давкова до државите кои помогнаа по трагедијата во Кочани
Претседателката Гордана Сиљановска-Давкова во име на македонските граѓани и во свое лично име изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат навремена и несебична помош, водени од принципите на солидарност и хуманост, соопшти Кабинетот на претседателката на државата.
Во соопштение Кабинетот наведува дека ангажманот на нивните медицински тимови, подготвеноста на авионите и хеликоптерите за итна интервенција, отворањето на здравствените установи за повредените граѓани, како и активирањето на Европскиот механизам за цивилна заштита, „испратија недвосмислена и силна порака дека во најтешките моменти не сме сами“.
-Тие ја делеа болката со нас, а нивната грижа стана наш заеднички лек. Ја почувствувавме силата на вистинското пријателство преку нивната присутност и поддршка, којашто ќе остане врежана во колективната меморија на нашиот народ. Тажно е што низ болката и ненадоместливата загуба ја спознавме суштинската поврзаност со светот и длабокото чувство на припадност, нешто што не требаше да биде плод на трагедија, се истакнува во соопштението на Кабинетот на Сиљановска-Давкова.
Како што се наведува, „од срце сме им благодарни, никогаш нема да ја заборавиме помошта од: Република Србија, Република Бугарија, Република Турција, Хеленската Република, Кралството Шпанија, Република Австрија, Унгарија, Република Хрватска, Кралството Белгија, Италијанската Република, Република Литванија, Република Словенија, Кралството Шведска, Република Полска, Државата Израел, Република Чешка, Обединетото Кралство, Сојузна Република Германија, Големото Војводство Луксембург, Кралството Норвешка, Романија, Република Албанија, Босна и Херцеговина, Кралството Холандија, Република Финска, Француската Република, Европската Унија“.
Ново на Сител
-
Возач удрил 13-годишно девојче и избегал од местото на настанот
-
37-годишна жена два пати физички нападната во Скопје од својот сопруг во текот на еден ден
-
Тепачка помеѓу 6 лица во Ѓорче Петров, употребувани тврди предмети и оштетени две возила
-
Кривична за двајца полициски службеници, дозволиле да застарат 14 дела за тешки кражби
-
Мицкоски: Имаме организиран пристап и ќе продолжиме да помагаме на семејствата на настраданите во кочанската дискотека
-
Го оштетиле буџетот за 2,2 милијарди денари, поднесени обвиненија за „Онкологија“
-
Мицкоски за дивоградбата во Чаир: Градоначалничката на Град Скопје има ингеренции и треба да постапува
-
Лишен од слобода крадец во Куманово, одземеното е пронајдено