Без струја утре дел од општините Центар и Карпош, без вода дел од Центар и Гази Баба

Без струја утре ќе бидат дел од општините Центар и Карпош, додека без вода дел од Центар и Гази Баба.

Како што информираат од Регионалниот центар за управување со кризи на Град Скопје, поради планирани зафати во електро дистрибутивната мрежа, без напојување со електрична енергија од 08:30 до 11:00 часот ќе бидат корисниците од дел од улицата „Тетовска“ во Центар, а од 09:00 до 13:00 часот, корисниците во околината на последната автобуска станица на ЈСП - линија 57, во населбата Нерези во Карпош.

Од 09:00 до 14:00 часот без струја ќе останат корисниците од дел од улиците „Орце Николов“, „Крагуевачка“, „Драган Ѓаконовски – Шпато“, „Беджих Сметана“ и „Миладин Поповиќ“ во Карпош.

Од РЦУК соопштија дека по добиеното известување од ЈП „Водовод и канализација“ - Скопје, поради изведување водоводен приклучок на водоводна мрежа со пречник од ф- 80 мм на улицата „Коле Неделковски“ бр. 32, утре од 09:00 часот до завршување на интервенцијата, прекинато водоснабдување ќе имаат корисниците од дел од истата улица како и улицата „Стефан Јакимов- Дедов“ во Центар.

Поради промена на затворач од водоводна мрежа со пречник од ф-100 мм на улицата „Јани Лукровски“ бр. 2, од 08:30 часот до завршување на интервенцијата, прекинато водоснабдување ќе имаат корисниците од улиците „Јани Лукровски“, „16-та Македонска Бригада“ и „Трифун Хаџијанев“ во Гази Баба.