Белгија го смени Вилмотс

Селектор на Белгија Марк Вилмотс доби отказ, потврди Фудбалскиот сојуз на оваа земја на својата интернет страница.

 

Вилмотс, неодамна на ЕУРО 2016 на која Белгија беше еден од фаворитите, настапот со селекцијата го заврши во четвртфиналето по поразот од Велс (3-1). Белгија на ЕУРО 2016 оствари два пораза  (Италија, Велс) и три победи (Република Ирска, Шведска, Унгарија).

 

Марк Вилмотс Бегија ја презеде во 2012 година, четвртфинале играше и на СП во 2014 година, каде беше елиминиран од Аргентина. Многумина му забележуваа дека не знае да го искористи вистинскиот потенцијал на генерацијата која ја предводи Еден Азар и дека игра премногу дефанзивен фудбал.

 

Со националниот тим Вилмотс забележа 34 победи на 51 натпревар.