Бела куќа: Петмина кандидати за претседател на Централната банка

Американскиот претседател Доналд Трамп ја намали листата на кандидати за нов шеф на централната банка на пет имиња. На листата е и сегашната шефица, Џенет Јелен.

Официјален претставник на Белата куќа потврди дека на листата е и актуелната шефица на Банката на федерални резерви Јелен, како и директорот на Националниот економски совет Гери Кох. На листата се и Џером Пауел, актуелен член на Одборот, Кевин Варх, поранешен член на Одборот и Џон Тејлор, економист од Универзитетот Стенфорд.

Трамп в четврток треба да разговара со Јелен, а потоа и со останатите кандидати. Се очекува негова одлука пред турнејата по Азија, од 3 ноември.