Бектеши: Нема пролонгирање на роковите за завршните сметки
Нема да има пролонгирање на роковите за завршните сметки, рече денеска министерот за економија Крешник Бектеши. Тоа, како што истакна на прес-конференција, е одлучено по направените меѓуинституционални консултации кои упатиле на заклучокот дека сметководителите не биле толку погодени од пандемијата.
-Веќе направиме консултации во рамки на институциите и како Министерство за економија, заедно со Министерството за финансии, УЈП и Централниот регистар одлучивме да нема пролонгирање на роковите за завршните сметки. Мислиме дека сметководителите и не биле толку погодени од пандемијата, истакна Бектеши.
Десетина минути претходно, пред Министерството за економија, прес-конференција одржа Александра Андреева од Управниот одбор на Комората на сметководители при Сојузот на стопански комори. Таа соопшти дека речиси 50 отсто од сметководителите биле болни од КОВИД од почетокот на пандемијата и побара рокот за доставувањето на годишните извештаи и завршните сметки да се пролонгира до 31 март.
Ново на Сител
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение
-
Кривична пријава за полициски службеник за малтретирање во вршење на службата
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра