Бекенбауер: Геце под итно мора нешто да смени

Легендата на германскиот фудбал Франц Бекенбауер рече дека Марио Геце под итно мора нешто да промени во својата игра доколку сака да успее во Баерн.

Реакцијата на Бекенбауер следува по јавно искажаните поплаки од Геце дека не добивал полна поддршка во Баерн.

- Не знам дали на Марио му недостасува поддршка во тимот. Тој не можеше да има подобри соиграчи во претходните две сезони. Не знам каков вид на поддршка ќе му треба. Секој играч е одговорен за своите постапки, и тој мора итно да промени нешто во неговата игра ако сака да остане во Баерн, изјави Бекенбауер за германскиот весникот „ТЗ“.

Геце во 2013 година од Борусија Дортмунд премина во Баерн Минхен каде настапи на 92 натпревари и постигна 30 голови.