Бејли апелира сите партии да учествуваат на изборите

Амбасадорот на САД во земјава Џејс Бејли  денеска на својот твитер профил објави порака со која ги повика сите партии да учествуваат на претстојните предвремени парламетарни избори.

- Имплементацијата на Договорот од Пржино е од суштинско значење за продлабочување на евроатлантската интеграција на Македонија, што САД силно ја поддржуваат. Оставката на премиерот е значаен чекор во тој процес, исто како и кредибилни избори. Ние ќе продолжиме да ги поддржуваме подготовките за изборите, вклучувајќи ја и работата на ДИК, како и реформите во сферата на медиумите и други области. Времето е кусо, ги повикуваме сите партии и организации да учествуваат на изборите. Тоа е најдобриот пат за унапредување на институциите и обезбедување веродостоен процес. САД ќе го набљудува прогресот во рамки на овој процес и ќе ги направи своите проценки како што тоа ќе го сторат и ЕУ, ОБСЕ и други тела, вели  амбасадорот Бејли во својата порака.