Бегалците ќе ја чинат Германија 94 милијарди евра до 2020 година

Германија ќе потроши близу 94 милијарди евра за потребите на бегалците во наредниве 5 години. Со овие средства треба да се покрија трошоците за сместување, интеграција, курсеви по герански јазик и за прифат на бегалците.
 

Според изветајот на министерството за финансии кој што го објавува весникот „Шпигел“ бројот на бегалци кои што ќе бараат азил се движи од 600 илјади годинава, 400 илјади догодина а секоја наредна година по 300 илјади нови баратели на азил. 

Само оваа година за мигрантите Германија ќе потроши 16,1 милијарда евра а предвидувањата за потребите во 2020 година се околу 20.4 милијарди евра. За споредба воениот буџет на Германија оваа година е околу 37 милијарди евра. 

Според студијата направена од „Центарот за европски економски истражувања“ од Мајнхам објавена минатиот месец вкупниот трошок по германската економија од бегалската криза може да достигне 398 милијарди евра. Според студијата објавена во соработка со весникот „Цајт“ финалните трошоци ќе зависат од степенот на економска интеграција на бегалците и колку брзо тие ќе станат интгрирани граѓани на Германија.