Базата Инџирлик во Турција блокирана, струјата е исклучена
Локалните турски власти го спречуваат влезот и илезот од военовоздухопловната база Инџирлик во близина на градот Адана, во која исто така е исклучена струјата, соопшти денеска Конзулатот на САД во Турција, јави Си-Ен-Ен.
Конзулатот ги предупреди американските државјани да ја избегнуваат таа воена база се додека не биде воспоставено нејзиното нормално, функционирање.
Воената база Инџирлик е постојана база на единиците на турското Воено воздухопловство, како и на американската воздухопловна единица, која се состои од околу 1.500 американски војници и цивилни службеници.
Од таа воена база полетуваат американските војници, кои извршуваат воздушни напади врз позиции на Исламска држава во Сирија и Ирак.
Пентагон синоќа соопшти дека ги презема сите неопходни чекори за да ја обезбеди безбедноста на американските војници, цивилни службеници и нивните семејства.
Претходно германското Министерство за одбрана соопшти дека се зајакнати се мерките за безбедност во базата
- Станува збор за планови за зголемување на готовноста, спроведени во вид на мерки за претпалзивост, со цел заштита на личниот состав, изјави претставник на Министерството, јави ТАСС.
Во базата Инџирлик, која се наоѓа во близина на сириската граница се стационирани 240 германски војници, кои учествуваат во воените операции против ИД.
Во меѓувреме генералниот секретар на НАТО Јенс Столтенберг изјави дека сите единици и кадри на НАТО во Турција се безбедни по обидот за воен удар.
Столтенберг нагласи дека за тоа добил уверување од главниот командант на Обединетите вооружени сили на НАТО во Европа, генерал Кртис Скапароти.
Ново на Сител
-
Мицкоски утре до Собранието ќе го поднесе составот на новата Влада - Гласање викендов
-
Од први септември градежните компании ќе работат по европски стандарди - Ќе поскапат ли становите?
-
Младите со акција за заштита на Охридското Езеро од отпад
-
Преглед на вестите од светот
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија