Батлер ужива на плажа со новата девојка

Шкотскиот заводник и актер 45 годишниот Жерар Батлер, очигледно, ја одбра жената покрај која ќе се смири. Некогашниот плејбој беше познат по кратките авантури со имиња како Џенифер Анистон, Камерон Дијаз, Наоми Кемпбел.

Батлер, инаку страсен сурфер, својот мир го пронајде во куќата на Малибу, каде што ужива со својата 39-годишна избраничка Морган Броун, инаку дизајнер на интериери.

Во врска се околу една година, а во едно неодамнешно интервју, тој призна дека секогаш трагал по посебен вид девојка, некоја со многу добро чувство за мода и стил.

– Некоја што иако е облечена во нешто наједноставно, знае како да го носи тоа . Да изгледа добро и само во сандалки, фармерки и маичка. Тоа е мојот тип на девојка. Тоа е жената во која би се вљубил – изјави тој.