Баскиските сепаратисти бараат да организираат референдум за независноста на „Земјата на Баските“
Коалицијата од баскиски сепаратистички партии во регионалниот Парламент на Земјата на Баските поднесе предлог-закон за организирање референдум за независност на оваа шпанска провинција, слично на обидот на локалните власти на Каталонија, пренесоа француските медиуми.
- Баскијците единствено треба да решаваат за иднината на својата земја, изјави портпаролот на левичарската сепаратистичка коалиција „ЕХ Билду“, Хасиер Арас.
Арис изјави дека овој предлог-закон е одговор на „фронтот на одбивањето и принудата, што е формиран во Мадрид“, имајќи го предвид одбивањето на централните шпански власти да го дозволат референдумот за независност во Каталонија.
Коалицијата „ЕХ Билду“, која има 21 пратеник од вкупно 75 во регионалниот Парламент на Земјата на Баските, ја повика конзервативната сепаратистичка „Баскиска националистичка партија, која управува во провинцијата со 27 пратеници, да се приклучи кон нивната иницијатива.
Предложениот текст дозволува организирање референдум меѓу Баскијците за „политичката, економската и социјалната иднина“ на провинцијата, вклучувајќи ја и евентуалната независност, објасни Арас.
- Идејата е овој Парламент да стане суверено народно собрание, додаде тој, користејќи го изразот на каталонските сепаратисти.
Баскиската националистичка партија, меѓутоа, во моментов ја брани својата позиција на преговори со централните власти во Мадрид за добивање поширока автономија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп