Банките подготвени за предвремена исплата на пензиите, задолжително носење заштитна опрема
Сите банки се подготвени предвреме да ја извршат исплатата на априлските пензии, информираа денеска од Македонската банкарска асоцијација (МБА).
Пензионерите кои имаат дебитни картички ќе можат да ја подигнат пензијата веќе од утре на банкоматите на банките, додека исплатата на пензиите за оние кои немаат дебитни картички ќе се врши етапно. Така, на 27 април ќе се исплаќаат пензиите до 11.000 денари, на 28 април пензиите од 11.001 до 14.000 денари, на 29 април пензиите од 14.001 до 18.000 денари, а на 30 април пензиите над 18.000 денари.
– Со новиот системски пристап потврден од сите банки ќе се намали физичкото присуство во филијалите и експозитурите и ќе се овозможи поголема заштита на здравјето на сите корисници на банкарски услуги, особено на повозрасните граѓани, велат од МБА.
Додаваат дека при посетата на филијалите и експозитурите, на пензионерите ќе им биде понудено да пополнат барање за изработка на бесплатни дебитни картички со цел да се намали физичкото присуство во банките.
– Апелираме до сите корисници на пензија да пристапат кон активно користење на дебитните картички и банкоматите со цел намалување на потребата од посета на филијалите и експозитурите, велат од МБА.
Воедно, се апелира до останатите корисници на банкарски услуги да покажат разбирање и утринските часови да им ги отстапат на пензионерите.
Од МБА потсетуваат дека при посета на филијалите и експозитурите задолжително е носењето на лична заштитна опрема на лицето.
И Владата денеска соопшти дека исплатата на априлските пензии почнува од утре и оти пензиите ќе се исплаќаат во четири групи со цел поголема заштита на пензионерите во услови на опасност од коронавирусот.
Веќе од утре над 320 илјади пензионери ќе ги добијат пензиите на своите сметки.
Ново на Сител
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола