Бајден во својот говор го помеша Макрон со Митеран
Претседателот Џо Бајден во својот завчерашен говор за предизборната кампања ги помеша францускиот претседател Емануел Макрон и поранешниот француски претседател Франсоа Митеран, кој почина во 1996 година.
Во Лас Вегас, Бајден раскажа анегдота од состанокот на Г7 во Корнвол во 2021 година. Тој раскажа дека на состанокот рекол оти „Америка се врати“, што предизвика „реакција на Митеран од Германија“.
Потоа се поправи: „Митеран од Германија. . . Мислам, од Франција. . . “.
Гафот беше коригиран на официјалната веб-страница на Белата куќа, во чиешто објавување беше пречкртано презимето на Митеран и додаден Макрон.
Бајден се сретна со Митеран во јануари 1988 година на состанокот на Комитетот за европски односи, седум години откако стана француски претседател. Митеран беше претседател до 1995 година.
Бајден прави се повеќе гафови за време на говорите, до степен што го доби прекарот „машина за гафови“. Минатата година тој ја помеша војната во Украина со војната во Ирак, која заврши во 2011 година.
Бајден еднаш го нарече британскиот премиер Риши Сунак „господине претседател“.
Ново на Сител
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје
-
Остин: Нема индиции дека Хамас планира напад врз американски војници во Појасот Газа
-
„Цитроен“ удрил во електричен тротинет, повредени двајца малолетници
-
РБГ: Расте индексот на слободата на медиумите во Македонија