Бајден ќе се сретне со мировниот пратеник на папата Франциск
Американскиот претседател Џозеф Бајден денеска ќе се сретне со мировниот пратеник на папата Франциск како дел од мировните и хуманитарните иницијативи на Светата столица за Украина, а ќе се разговара пред сè состојбата на украинските деца кои се однесени во Русија, соопштија Белата куќа и Ватикан.
Кардиналот Матео Зупи е во посета на Вашингтон до утре. Пред тоа тој беше во мисија во Москва и Киев, каде се сретна со украинскиот претседател Володимир Зеленски.
Прес секретарката на Белата куќа, Карин Жан-Пјер, потврди дека Бајден денеска ќе се сретне со Зупи за да „разговараат за големите страдања предизвикани од руската брутална војна во Украина“.
Жан-Пјер, исто така, рече дека ќе се дискутира и за „напорите на САД и Светата столица да обезбедат хуманитарна помош за погодените, како и фокусот на папската држава на репатријацијата на украинските деца кои биле насилно депортирани од руски официјални лица“.
Зупи е ветеран на мировните иницијативи на Католичката црква, а од папата Франциск добил задача да најде „патишта на мирот“ меѓу Русија и Украина.
Зупи во Москва се состана со Марија Лвова-Белова, комесарка на Русија за правата на децата, како и со патријархот Кирил, поглаварот на Руската православна црква, кој силно ја поддржува војната на Кремљ.
Папата Франциск го прифати барањето на Украина да интервенира секаде каде што е можно за да се вратат украинските деца однесени во Русија по инвазијата на Москва.
Меѓународниот кривичен суд на крајот на март издаде налог за апсење на Лвова-Белова и рускиот претседател Владимир Путин, обвинувајќи ги за киднапирање деца од Украина.
Руските власти негираа какви било присилни посвојувања, велејќи дека некои украински деца се во згрижувачки семејства.
Ново на Сител
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари
-
Уапсени седум педофили во Србија, во становите пронајден детски порнографски материјал
-
Русија ги обвини САД дека сакаат да распоредат оружје во вселената
-
ОЈО отвори истрага против врховниот судија Георгиев и членот на Советот на јавни обвинители Мемети
-
Ејџијан Ерлајс ја прекина продажбата на билети за сезонската авиолинија меѓу Скопје и Крф
-
Ердоган против Евровизија: „На вакви настани стана невозможно да сретнеш нормален човек“
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете