Бадникарска прослава на плоштадот во Крива Паланка

Со палење коледарски оган и осветување лепчиња со паричка синоќа на градскиот плоштад во Крива Паланка беше организирана Бадникарска прослава од страна на локалната самоуправа на општината во соработка со Кривопаланечкото архиерејско намесништво.

 

Прославата на Бадник започна во црквата „Свети Димитрија“ со литургија по која беше осветено бадниково дрвце, а оттука паланчани заминаа на градскиот плоштад каде свештени лица ги осветија лебот и виното.Бадниковиот поздрав го пренесе архирејскиот намесник, Александар Смиљков, кој нагалси дека му се радуваме на овој ден поради доаѓањето на веста за раѓањето на богочовекот кој сите не побожи.

 

Градоначалникот на Крива Паланка, Арсенчо Алексовски, им посака добро здравје, среќа и бериќет на своите сограѓани по поводпретстојните  Божиќни празници.

 

Со палење на коледарскиот оган се славеше љубовта, радоста и мирот меѓу луѓето со добра волја. Најсреќен од присутните кој ја пронајде паричката беше Томе Тодоровски, директор на Јавното претпријатие „Комуналец“.

 

- Верувам дека паричката ќе ми донесе среќа и здравје, но покрај мене, се надевам ќе ги усреќи и паланчани, преку успешна реализација на сите наши зацртани проекти за 2016 година, изјави Тодоровски.