Австрискиот парламент го отфрли трговскиот договор на ЕУ со Јужна Америка
Австрија е првата држава што го отфрли договорот за слободна трговија меѓу ЕУ и четири земји од Јужна Америка – Бразил, Уругвај, Парагвај и Аргентина (Меркосур).
Договорот го потпиша Европската Комисија во јуни, но тој треба прво да биде ратификуван од сите земји членки за да стапи во сила.
Австрискиот парламент вчера побара од владата во Виена да не стави потпис на договорот ЕУ-Меркосур. Австрија со ова станува првата ЕУ членка што ја отфрла оваа спогодба која со месеци е цел на критики од повеќе земји членки и невладини организации.
Една од главните забелешки на противниците кон договорот е односот на бразилската Влада кон климатските прашања, посебно по драматичните сцени од пожарите во Амазонија ова лето.
Засега нема официјална реакција од Европската Комисија за австриското гласање, но се очекува да пристигне во текот на денот.
Ново на Сител
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК