Австриски медал на честа на професор Милорад Јовановски
Австриската асоцијација на инженери и архитекти додели признание Голем златен медал на честа (Great Gold Medal of Honour) на проф. д-р Милорад Јовановски од Градежниот факултет при Универзитетот „Св.Кирил и Методиј”, за неговиот исклучителен научен и практичен долгогодишен придонес во развојот на инженерската геологија и геотехниката.
Доделувањето се случи на 31. минатиот месец на отварањето на VÖBU FAIR – најголемиот геотехнички саем во Виена, односно на 12-тата Австриска геотехничка конференција, посветена на „таткото” на современата механика на почви Карл Терцаги.
Признанието претставува највисока награда на Австриската асоцијација и досега е доделено само три пати. Прв пат во 1995, потоа во 2011 и оваа година го добива македонскиот професор Јовановски.
Во причините за признанието се наведува дека тоа е резултат на долгогодишната соработка меѓу Универзитетот „Св.Кирил и Методиј” и Технолошкиот Универзитет од Виена. Соработката досега резултира со голем број активности помеѓу Македонија и Австрија на ниво на науката, високото образование и инженерството.
Јовановски повеќе години е активен промотор на активностите за доделување почесен докторат на науки (doctor honoris causa) и Орден на заслуги за Република Македонија на др. Ото фон Хазбург, потоа доделување на почесен докторат на науки и Медал на честа за Македонија на проф. др Хајнц Брандл, потпишување на Меморандум за соработка на помеѓу Австриската асоцијација на инженери и архитекти и Комората на овластени архитекти и овластени инженери на Македонија, 16-та Европска Подунавска конференција за геотехничко инженерство во јуни 2018 година во Скопје.
Ново на Сител
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН