Австриската царина преполна со запленет „Ивермектин“
Австриските цариници соопштија дека се „преполни“ со шверцуваниот лек за коњи „Ивермектин“, за кој противниците на епидемиолошките мерки и антиваксерите тврдат дека делува против Ковид-19.
Од септември, како што соопшти австриското Министерство за финансии, бројот на запленети количества „Ивермектин“ нагло се зголеми.
И покрај бројните предупредувања од лекарите дека може да предизвика труење, царинските службеници утврдија дека побарувачката за „Ивермектин“ е значително зголемена во изминатите месеци, што доведе до зголемени заплени на овој ветеринарен препарат.
– Наместо да се заштитат од коронавирусот, луѓето кои го купуваат производот го загрозуваат своето здравје; посочува министерот за финансии, Гернот Блимел.
Тој посочи дека запленетите шверцувани лекови, кои пристигнуваат пред се од Азија, се ефикасни, фалсификувани и лоши препарати.
Додека во првата половина од годинава се забележани само поединечни заплени на „Ивермектин“, само во октомври се запленети 7.640.
Во периодот меѓу септември и средината на ноември се запленети вкупно 15.844 таблети, од кои повеќето биле нарачани преку интернет и испратени по пошта.
Најголем дел од нарачателите на овој лек се од Долна Австрија, Горна Австрија, Штаерска и Виена.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228