Авганистан: Лидерот на талибанците мула Омар е мртов

Врховниот командант и духовен лидер на талибанците мула Омар е мртов, потврдија извори од Владата во Авганистан.

Би-Би-Си потсетува дека и претходно се појавувале информации за смртта на мула Омар, кои се покажаа како неточни, но ова е првпат Владата да ја потврди информацијата.

Милитантите засега не ја коментираа информацијата.

- Лидерот на талибанците починал пред две-три години, соопшти авганистанската Влада и разузнавачки служби.

Тој беше претседател на Авганистан од 1996 година до падот на талибанскиот режим во 2001 година. Мула Омар не беше виден во јавност од американската воена кампања во 2001 година.