АТП: Надал на врвот, Ноле под 20. место

Елиминацијата во полуфиналето на турнирот во Рим го чинеа Новак Ѓоковиќ нови бодови со што падна под 20-тото место на АТП листата на најдобри тенисер.

На листата што АТП ја објави во понеделникот.Ѓоковиќ  за  првпат по 2006 година не се наоѓа меѓу најдобрите 20 во светот.

Србинот мастерсот во Рим го заврши во полуфиналето по поразот во два сета од Рафа Надал.

Шпанецот потоа во финалето успеа да ја освои титулата и да се врати на првото место на АТП-листата.

Надал во финалето го победи бранителот на титулата, Александар Зверев, кој остана на третата позиција на листата, а втор е Роџер Федерер, кој го пропушти овој дел од сезоната.

Зад најдобрите тројца се Марин Чилиќ и Григор Димитров, овие двајца ги заменија позициите, а потоа следуваат Хуан Мартин дел Потро, Кевин Андресон, Доминик Тим, Давид Гофан и Џон Изнер.

АТП, топ 10:

1. (2.) Рафаел Надал (Шпанија) 8.770
2. (1.) Роџер Федерер (Швајцарија) 8.670
3. (3.) Александар Зверев (Германија) 5.615
4. (5.) Марин Чилиќ (Хрватска) 4.950
5. (4.) Григор Димитров (Бугарија) 4.870
6. (6.) Хуан Мартин дел Потро (Аргентина) 4.450
7. (7.) Кевин Андерсон (Јужна Африка) 3.635
8. (8.) Доминик Тим (Австрија) 3.195
9. (10.) Давид Гофан (Белгија) 3.020
10. (9.) Џон изнер (САД) 2.955)