Фудбал
23. November 2015 - 0:20

Атлетико Мадрид го „рипна“ Реал

Фудбалерите на Атлетико Мадрид се искачија на второто место во Примера, откако во претпоследниот натпревар од 12.коло, во Севилја, славеа над Бетис со 1:0.

 

Единствениот гол со кој Атлетико ја забележа четвртата победа на последните пет натпревари го постигна Коке во седмата минута.

Инаку, екипата на Диего Симеоне, доминираше во текот на целиот натпревар и вистинско чудо е што ‘јорганџиите’ постигнаа само еден гол.

По голот на Коке, Гризман и Караско не реализираа чисти шанси за зголемување на водството, а во второто полувреме две големи шанси не успеа во гол да претвори Гризман. Француаскиот напаѓач во ситуација ‘еден на еден’ шутираше над голот, а потоа ја погоди стативата.

Бетис во текот на целиот меч беше безопасен, а неговите играчи упатија само два удари директно кон голот на Атлетико.

Барселона по 12 кола е лидер со 30 бодови, четири повеќе од Атлетико, додека Реал е трет со 24.

Колото во Примера, в понеделник, ќе го комплетираат Хетафе и Рајо Ваљекано.

Резултати, 12.коло:

Спортинг-Леванте 0:3

Виљареал-Еибар 1:1

Гранада-Атлетик Билбао 2:0

Бетис-Атлетико Мадрид 0:1

Реал Сосиедад-Севилја 2:0

Реал Мадрид-Барселона 0:4

Еспањол-Малага 2:0

Валенсија-Лас Палмас 1:1

Депортиво-Селта 2:0

Хетафе-Рајо Ваљекано (понеделник)