Атина: 25.000 луѓе на протестот за „не“, 20.000 на протестот за „да“

Во центарот на Атина се собраа две ривалски групи два дена пред референдумот, околу 25.000 противници на програмата на меѓународните кредитори за спас на Грција и околу 20.000 на оние кои на претстојниот референдум во недела ќе гласаат за мерките.

На насобраните на собирот за поддршка на гласот „не“, на плоштадот Синтагма пред Парламентот, подоцна ќе им се обрати грчкиот премиер Алексис Ципрас.

Демонстрантите кои ја поддржуваат програмата на кредиторите, кои се собраа пред стадионот „Панатинаикос“, само 800 метри оддалечен од плоштадот Синтагма, извикуваа проевропски слогани, предупредувајќи дека по референдумот Грција би можела да ја напушти еврозоната.

Грчката полиција вечерва се судри со демонстранти на протестот на кој се собраа противници на договорот со меѓународните кредитори, а во еден момент полицијата фрли и шок бомби, јавија грчки медиуми.