Астронаут од Меѓународната вселенска станица настапи на концерт на Крафтверк

Германскиот астронаут Александер Герст синоќа „упадна“ на концертот на Крафтверк со настап, кој го имаше на Меѓународната вселенска станица (МСС).

Европската вселенска агенција (ЕСА) денеска на интернет постави видео снимка на која се гледа како астронаутот Герст настапува заедно со Крафтверк.

Герст синоќа користејќи таблет со виртуелен синтисајзер, заедно со Крафтверк, ја изведоа песната од 1978 година „Вселенска лабораторија (Spacelab).

Герст не е првиот музичар од Вселената, бидејќи канадскиот астронаут Крис Хедфилд во 2013 година сними кавер верзија на „Вселенска одисеја“ на Дејвид Боуви и свиреше дует со групата Бернејкид лијдиз додека беше 400 километри над Земјата.