Апостолски Лечиќ: Комплетни ќе бидеме посилни
– Селекторот на македонската машка кадетска кошаркарска репрзентација Андреј Апостолски Лечиќ ги сумираше впечатоците по двата порази во пријателскиот двомеч против Хрватска во рамки на подготовките за ФИБА „Челенџер“ купот во Скопје. На првиот од двата натпревари одиграни во Дарувар, „црвено – жолтите“ претрпеа катастрофален пораз од 47:98 во четвртокот, а вчера во неизвесен натпревар беа поразени со 85:91. -Првиот натпревар во Дарувар против хрватската репрезентација до 16 години, не беше слика на нашата репрезентација.
Најмногу тоа се должи на краткото време за одмор кое го имавме по доаѓањето во Дарувар, потоа адаптирање на условите, како и желбата да се изротираат сите играчи како би можеле подобро да селектираме за ‘челенџерот’ во Скопје, изјави Апостолски Лечиќ. – На вториот натпревар сакавме да одиме на резултат. Играчите одморија, и излегоа на терен да го победат натпреварот.
Во текот на целиот натпревар бевме подобар противник. Но со неколку судиски одлуки не успеавме да извојуваме победа на гостински терен во Хрватска. Но вториот меч е патоказ како треба да играме на наредните мечеви, оцени македонскиот селектор. Македонскиот кадетски тим ќе ги продолжи подготовкиге во Скопје, а планирано е и гостување во Ниш и пријателски натпревар против селекцијата на Србија. „По враќањето од Хрватска во Скопје, ќе бидеме, се надевам, во комплетен состав и во уште посилно темпо ќе ги продолжиме подготовките за ФИБА турнирот во Скопје“, додаде Апостолски Лечиќ.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка