Антивладини протести во Малезија
Илјадници демонстранти облечени во жолто денеска протестираа во центарот на главниот град на Малезија, Куала Лумпур, барајќи оставка од премиерот Наџиб Разак поради обвиненијата за корупција.
Демонстрантите ја прекршија забраната за масовни собири на јавни места и вчерашната забрана на Владата, за носење на жолта облека.
Жолтата боја е симбол на коалицијата од граѓански групи Берсих, која бара изборни реформи и подобро владеење.
Разак и малезиската Влада се критикувани на социјалните мрежи откако „Волстрит џурнал“ во јули објави дека на приватните сметки на премиерот има над 670 милиони долари, а најверојатно парите се на Државниот фонд за развој.
Малезиската Комисија за борба против корупција изјави дека парите на приватните сметки на Разак се подароци од Блискиот Исток, но не наведе повеќе детали.
Разак изјави дека демонстрантите немаат патриотизам, бидејќи протестираат два дена пред одбележувањето на денот на независноста на Малезија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп