Анкета: Повеќето Израелци и Палестинци го поддржуваат моделот на две држави
Бројот на Израелците и Палестинците, кои го поддржуваат основањето на независна палестинска држава се намали изминатите месеци, но и натаму повеќе луѓе го преферираат моделот на две држави од една заедничка.
Ова се резултати од израелско-палестинската анкета, објавени денеска откако претседателот на САД Доналд Трамп и израелскиот премиер Бенјамин Нетанјаху на состанокот вчера во Белата куќа се дистанцираа од моделот на две држави, оценувајќи дека има повеќе опции за решавање на деценискиот конфликт.
Анкетата покажува дека 55 проценти од Израелците и 44 отсто од Палестинците го поддржуваат создавањето независна Палестина, која би живеела во мир и безбедност заедно со Израел. Во јуни минатата година односот бил 59 спрема 51 процент.
Сепак само 24 проценти од Израелците и една третина од Палестинците се изјаснија за една двонационална држава.
Со анкетата, која е финансирана од Европската унија се опфатени 1.200 лица од двете страни.
Ново на Сител
-
Teма на денот со Татјана Димитровска, претседателка на ДКСК
-
Лидерите на Европскиот Фронт потпишаа декларација против „моноетничко владеење“
-
Гаши ја свика првата координација
-
Лидерите на Европскиот Фронт потпишаа декларација против „моноетничко владеење“
-
Деспотовски: Тој што ќе изгуби на изборите во СДСМ, да не прифаќа партиски функции
-
Мицотакис: Прашањето за Преспанскиот договор ќе го отворам на Самитот на НАТО
-
Матурантите кои препишуваа на испитот по мајчин јазик ќе полагаат пак во август
-
Детектор: Младинскиот активизам на незадоволително ниво