Анѓушев: Зоните направија голем исчекор во развојот на нашата економија
Недоволната соработка на странските инвеститори со домашните компании и недостигот на квалификуван кадар остануваат клучни предизвици за развој на техничко-индустриските зони во земјава, рече вицепремиерот Кочо Анѓушев пред почетокот на денешниот Европски самит на слободни зони што се одржува во Скопје.
Зоните, според Анѓушев, направија голем исчекор во развој на нашата индустрија, но има уште многу простор да се работи на ова поле.
-Како економијата да биде повеќе поттикната од странските инвестиции и соработката со домашните компании да биде поголема, но и како да привлечеме компании што носат повисок технолошки развој, даваат повисоки плати и вработуваат високообразуван кадар, е клучниот предизвик. Простор за напредок има во делот на компаниите фокусирани на готови производи што одлучуваат од кого ќе купуваат компоненти. И тука нашите фирми треба да ја искористат можноста. Но, пречка има кај оние кои се во средината на синџирот на снабдување, а одлучуваат да направат некакви измени во програмата, па треба да бараат дозвола од крајниот корисник, истакна вицепремиерот.
Тој смета дека со раздвижувањето на индустријата, што, како што рече, е евидентно и со позитивните трендови во градежништвото, земјоделството и трговијата, може да се очекува растот на БДП да биде значително над планираниот.
Се осврна и на поволностите што ги нуди земјава за странските, но и за домашните инвеститори, потенцирајќи дека сега условите се изедначени.
-Индустриските зони направија голем исчекор во развојот на индустријата и затоа Владата реши да ги поддржи, но на поинаков, транспарентен начин. Со закон понуди еднакви услови за домашните и странските вложувачи, нагласи Анѓушев.
Во обраќањето пред присутните претседателот на Светската организација на слободни зони Мохамед Ал Зарони, ја пофали Дирекцијата на трговско индустирските развојни зони во земјава. Рече дека нуди максимално поедноставени административни процедури што е клучно за инвеститорите и ја квалификува како извонреден пример за визија и оперативност.
Дирекцијата на ТИРЗ во Скопје е пример за ефикасност и со тоа оваа институција ја прави земјата многу поатрактивна како дестинација за инвестирање што секако значи огромна предност, истакна Ал Зарони.
Во земјава засега има сепак 15 слободни зони од кои осум се целосно оперативни.Само лани 19 компании потпишаа договори за градба на фабрики и од нив, како што рече вицепремиереот Анѓушев, веќе ги реализираат своите планови за инвестиции.
На Европскиот самит на слободни зони во Скопје учествуваат претставници од повеќе земји, а теми на кои во претстојните панел дискусии ќе стане збор се државната помош за инвеститорите, незаконската трговија и нејзиното влијание врз зоните,…Пред официјалниот почеток беше прикажано и видео за развојот на слободните зони во земјава во изминатите 20 години.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот