Анѓушев: Првпат растот е одраз на реалната економија
Вицепремиерот за економски прашања Кочо Анѓушев при денешната посета на стопанските капацитети во Свети Николе забележа дека економијата не оди во надолна линија, туку според него бројките кажуваат дека оди токму во нагорна линија.
- Минатата година имавме негативен раст, после тоа првиот квартал не беше најдобар. Меѓутоа вториот квартал во 2018 година спореден со вториот квартал во 2017 година имаше раст од 3,1 отсто. Она што мислам дека е многу важно да го потенцираме, тој раст од 3,1 отсто е остварен при пад на градежништвото од 17 проценти. Знаете растот во Република Македонија обично го обезбедувала државата со своите активности. Овој пат, првпат растот е одраз на реалната економија, изјави Анѓушев.
Тој забележа дека овој растот не го направи државата со вештачки проекти.
- Јас очекувам дека градежништвото со раздвижување на три-четири големи проекти, кои што сега се случуваат, а тоа е пред се автопатот Кичево-Охрид, железницата кон Бугарија, гасоводот, ќе го врати растот на нормалното ниво. Но, притоа не со вештачки проекти, туку со инфраструктурни проекти, кои ќе бидат корисни и со самото тоа очекувам подобри бројки, потенцира Анѓушев.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата