Андреску со историски успех на Индијан Велс
Осумнаесет годишната Бјанка Андреску постигна историски успех, откако ја освои титулата на силниот турнир во Индијан Велс. Во финалето таа се справи со поранешната број 1 во светот Анжелик Кербер, победувајќи ја со 6:4, 3:6, 6:4. Дуелот се претвори во голема битка, која по 2 часа и 18 минути ја доби младата Канаѓанка.
Таа стана најмладата шампионка на турнирот од Серена Вилијамс наваму (1999 година) и четвртата најмлада во историјата на натпреварувањето по Вилијамс, Мартина Хингис и Моника Селеш.
Победите во Калифорнија стануваат причина и за голем скок на светската ВТА листа. Од денес таа ќе напредува за 36 позиции и ќе се најде на 24 место во светот.
Андреску е сензација од почетокот на годината. Таа има 28 победи и само 3 порази, што е најдобра статистика во женскиот тенис. Повеќето нејзини победи се на турнири од пониско ниво, но при учества на големи натпреварувања таа покажа дека тие не се случајни и кулминацијата беше вчерашната титула.
Канаѓанката стана првиот учесник со „вајлд карта“ кој победил на турнирот во Индијанаполис.
Ново на Сител
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло