Американската војска во Рамади убила 350 борци на Исламска држава
Американската војска соопшти дека во воздушните напади во последните денови врз западниот ирачки град Рамади убиени се 350 борци на Исламска држава.
Портпаролот на американската воена команда во Багдад, Стив Ворен, на прес конференција во Пентагон изјави дека во Рамади имало меѓу 600 и 1.000 борци на Исламска држава. Џихадистите го зазедоа овој ирачки град во мај.
На одвоена прес конференција американскиот министер за одбрана, Ештон Картер, изјави дека напредокот на силите на ирачката Влада во повторното освојување на овој град тече „разочарувачки бавно“.
-Уверен сум дека градот ќе падне и ние ќе помогнеме во тоа, рече Картер, мислејќи на Рамади.
Картер наведе дека, доколку тоа го побара ирачката Влада., САД се подготвени да понудат и воени хеликоптери „апачи“.
Ворен подоцна кажа дека „апачите се подготвени“, доколку Вашингтон и Багдад „дадат зелено светло“, пренесоа американските медиуми.
Ново на Сител
-
Една недела до одржување на изборите, партиите продолжуваат со предизборните активности
-
Зградата на ЕК осветлена во чест на 20-годишнината од големото проширување на ЕУ
-
Првомајски штрајк и протести во Грција
-
Јавниот превоз во Скопје денеска по неделен возен ред
-
На првиот ден од мај променливо облачно и топло, попладне локален дожд
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив