Алиоски стрелец против Њукасл

На „Еланд роуд“, пак, македонскиот репрезентативец Езѓан Алиоски се запиша во листата на стрелците во мечот со седум гола, во кој Лидс со 5:2 ги декласираше Њукасл. Алиоски стрелаше во 85. минута за 4:2 водство, а голови постигнаа и Бемфорд, Родриго, Далас и Херисон.

 

Евертон сврзаа две победи во низа за да се искачат на петтото место на табелата по импресивниот 2:0 триумф на гости кај Лестер. Ришарлисон во 21. минута и Мејсон Холгејт во 72. минута ја обезбедија победата за тимот на Карло Анчелоти.