Алија Изетбеговиќ ќе добие училиште во Пакистан

Босанскиот амбасадор во Пакистан, Недим Макаревиќ официјално ја фрли првата лопата за изградба на Меѓународното пакистанско-босанско училиште „Алија Изетбеговиќ“.

Церемонијата ја отвори раководителот на проектот Модасир Шах, кој зборувал за идејниот проект, за досега завршената работа и за она што претстои.

Макаревиќ му се заблагодари на Пакистан за се што направил за БиХ, нагласувајќи дека Пакистан, иако е земја со модерна индустрија и елитна армија со нуклеарно оружје, сепак се уште има голем проблем со неписменост.

- Училиштето „Алија Изетбеговиќ“ ќе се наоѓа во сиромашната област Дери, каде има голем број деца, истакна босанскиот амбасадор.