Албанија под вода: Обилните дождови предизвикаа поплави и штети

Албанија е зафатена од обилни врнежи, кои поплавија обработливи земјишта и предизвикаа оштетувања на патиштата и електричната мрежа.

Албанското Министерство за внатрешни работи соопшти дека во северозападната општина Скадар биле поплавени околу 170 хектари земјиште, а каливите свлечишта привремено го блокирале сообраќајот во јужната општина Гирокастро. Оштетената електрична мрежа остави многу села без струја во овие области.

Основните училишта во три јужни села во Тепелене денеска беа привремено затворени, а не сообраќаат ниту фериботите до Грција и Италија.

Службата за цивилна заштита соопшти дека нови поројни дождови се очекуваат и во следните четири дена.