Ал Сиси: НАТО сега да помогне во обновата на Либија

Египетскиот претседател Абдел Фатах ал Сиси го повика НАТО да дејствува за обнова на Либија во која има големи насилства откако беше урнат режимот на Моамер Гадафи.

– Либија е опасност која е закана за сите. Немањето влада создава вакуум во кој екстремистите имаат можност за прогрес...Мисијата не е сосема завршена. Треба да ги поддржиме сите напори за помош на либискиот народ и либиската економија, изјави тој.

Според него, треба да се пресечат донациите со пари, оружје и странски борци за екстремистите.

– Сите членови на НАТО кои учествуваа во соборувањето на Гадафи треба да помогнат, нагласи Ал Сиси. Тој упати и критики до западните држави за начинот на борба против Исламска држава во Сирија и Ирак.