Акција за обележување и чистење на планинарски патеки до Голак
Во организација на ПСК „Голак“ Делчево, денес се чистеа и обележуваа двете планинарски патеки што водат до планината Голак.
Целта е да се овозможи безбедно движење на сите граѓани кои имаат желба да се искачат на Голак, а освен чистење, планинарските патеки, како што информираше претседателот на ПСК „Голак“, Љупчо Чучуковски, беа и соодветно обележани.
-Со нашите членови денеска имавме активност за расчистување на главната патека до Голак која почнува веднаш над населбата „Расадник“ во Делчево и се движи во правец на месноста Трајанов Рид, како и споредната патека, што започнува веднаш над населбата „Први реон“ и се вклучува во главната планинарска патека кај споменатата локација. Покрај чистење на патеките, поради безбедно движење на сите кои ги користат, истите беа и соодветно обележани, истакна Чучуковски.
Додаде дека овие активности се дел од проектот, кој ПСК „Голак“, го спроведува во соработка со Федерацијата на планинарски спортови на Македонија и Агенцијата за поддршка и промоција на туризмот.
Како дел од туристичката промоција на регионот, во наредниот период ПСК ,,Голак” ќе работи и на уредување и поставување на планинарска патека на планината Средна, како и уредување на локалитетот Истевнички Кукуље.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп