Адвокатите бараат повлекување на обвинението за „Насилство во Центар"
Со завршни зборови на одбраната на Миле Јанакиески, денеска во Скопскиот кривичен суд продолжи судењето за случајот „Насилство во Центар".
Адвокатот Димитар Дангов му предложи на Обвинителството да го повлече обвинението бидејќи не се докажало дека е сторено кривичното дело за кое обвинет е Јанакиески.
Дополнително, Дангов рече ако тоа не го стори обвинителството, предложи судот да донесе ослободителна или одбивателна пресуда.
-Не е фер да сте обвинети, а потоа тоа не важи и се повлекува. Во делот за својството на Јанакиески се внесуваат квалификации и тоа само субјективно без докази со единствена цел да се зголеми вината кај Јанакиески, истакна Димитар Дангов, Адвокат на Јанакиески.
Тој рече дека иако судот не прифатил да го сослуша владиката Агатангел, неговата изјава дадена за медиумите била да не се урива црквата.
-Дали повикот на Агатангел требаше да содржи молби за одење во црква и со палење свеќи да се очекува да не се промени Деталниот урбанистички план со кој треба да се урне црквата во Центар, рече во својот завршен збор адвокатот Дангов.
На минатото судење, Обвинителството го промени обвинението и од одговорност ја ослободи поранешната пратеничка Даниела Рангелова и уште двајца обвинети.
Зоран Јаневски
Ново на Сител
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка