Абади: Не сакаме турски војници во операцијата во Мосул
Ирачкиот премиер Хајдер ал Абади денеска отфрли каква и да било можност за учество на турски војници во операцијата на Вооружените сили на Ирак и нивните сојузници за потиснување на џихадистичката група Исламска држава од градот Мосул.
- Ние сами ќе ја ослободиме нашата земја со помош на решителноста на нашиот народ, а не преку некакви видео пораки, напиша Абади на својот налог на Твитер, коментирајќи ги изјавите на турскиот претседател Реџеп Тајип Ердоган за вклучување на Армијата на Турција во операцијата во Мосул.
Абади воедно порача дека со ваквите изјави Анкара ризикува да предизвика регионална војна.
Ердоган вчера во изјава емитувана на турските медиуми нагласи дека Вооружените сили на Турција не можат да бидат ислкучени од планираната операција против ИД во Мосул и при тоа му порача на Абади дека треба „да знае каде му е местото“.
Ердоган истакна дека турската војска нема да се повлече од базата Башика во близина на Мосул и нема да прима наредби од Багдад.
- Не си ми соговорник, не си ми на ниво, не си ми еднаков, ги немаш истите квалитети како мене, му порача Ердоган на Абади.
Турскиот вицепремиер Нуман Куртулмуш пак во интервју за агенцијата Анадолија нагласи дека турските војници ќе останат во воената база Башика во северен Ирак, се додека борците на ИД не бидат протерани од Мосул.
Куртумлуш истакна и дека Турција би учествувала во операцијата за протерување на џихадистите од Мосул, само доколку во неа не бидат вклучени единиците на сириските Курди од Силите за заштита на народот.
Тензиите во односите меѓу Турција и Ирак се зголемија минатата недела поради присуството на турски војници на ирачка територија и најавите на претставници на Анкара за нивно учестви во операцијата за „ослободување на Мосул од ИД“.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници